يرضي مين

أخواتي في السجون

وصحابي في الزنازين

امتحاناتهم عالأبواب

باقيلها بس يومين

الماده حبك يامصر

والاسم معتقلين

الكرسي بتاعه فاضي

وصاحبه مش مذاكر

معملش حاجه أصلا

غير انه بس طاهر

زيهم زي اللي ماتوا

برصاصك لو كنت فاكر

خدتهم بأنهي حق؟

مسميهم ارهابيين

قولي في أنهي مله

وأنهي شرع وأنهي دين!

الدم اللي سايح ببلدي

قولي ده يرضي مين!

هيرضي محمد ولا مينا؟

هيرضي شرعي ولا انقلابي؟

هيرضي أم ولا صاحب ولا أخ ولا مين؟

هيرضيك انت ماشي

بس ميرضيش البني آدمين!

غفران حبيب

27/12/2013